Vośmaha krasavika ŭ Miadzielskuju mižrajonnuju inśpiekcyju achovy žyviolnaha i raślinnaha śvietu ź Vilejskaha tavarystva palaŭničych-rybałovaŭ paviedamili, što kala vioski Hryharki Kuranieckaha sielsavieta znajšli miašok z častkami tušy dzika.
Na miesca vybyła hrupa Miadzielskaj mižrajonnaj inśpiekcyi. Pa haračych śladach ustanavili, što žychar Vilejskaha rajona viečaram siomaha krasavika zakałoŭ dzika mietaličnaj pikaj.
Paśla mužčyna razabraŭ tušu i miasa ŭ miaškach schavaŭ u lesie.
Vilejski RASK raspačaŭ kryminalnuju spravu. Vinavatamu pahražaje kryminalnaja pakarańnie, až da pazbaŭleńnia voli, a taksama pakryćcio naniesienaj škody navakolnamu asiarodździu ŭ pamiery 120 bazavych vieličyń, što składaje 3 060 rubloŭ, paviedamiŭ karespandentu namieśnik načalnika Miadzielskaj mižrajonnaj inśpiekcyi achovy žyviolnaha i raślinnaha śvietu Raman Lesin.
Pa jaho słovach, fihuranta ŭžo karali raniej za niezakonnaje palavańnie.
