Uviečary 10 krasavika zatrymali dvaich hamialčan, mužčynu i žančynu. Jany zrabili zakaz psichatropnych rečyvaŭ u adnoj ź internet-kram, apłacili tavar i atrymali adras zakładki narkotykaŭ. Kali paračka zabrała zakaz, źjaviłasia milicyja.
U 37-hadovaj hamialčanki ŭ chodzie asabistaha vobšuku byŭ znojdzieny palimierny pakiet z kryštaličnym rečyvam. Zaminka vyjšła z 36-hadovym mužčynam, jaki pracuje sanitaram vyjaznoj bryhady na chutkaj dapamozie. Pry im narkotyku nie akazałasia. Tady apieratyŭniki vyrašyli daśledavać jaho straŭnik.
Mužčynu advieźli ŭ balnicu, dzie pakunačak ź psichatropam dastali. Ekśpiertyza pakazała, što ŭ pakunačku asabliva niebiaśpiečnaje psichatropnaje rečyva — alfa-PVP ahulnaj vahoj kala 0,4 hrama.
Ciapier hamialčuka i jaho siabroŭku buduć sudzić, im pahražaje da 5 hadoŭ.
