Litva adklikała pasła ŭ Rasii Remihijusa Matuzasa dla kansultacyj praz pahrozy ŭ jaho adras, paviedamlaje Delfi.
U MZS Litvy zajavili, što pasoł adklikajecca dla kansultacyj z-za pahroz, jakija atrymała pasolstva, supracoŭniki pasolstva i pasoł paśla prysudu pa spravie «13 studzienia»
Nahadajem, 27 sakavika 2019 hoda litoŭski sud pryznaŭ eks-ministra SSSR Dźmitryja Jazava vinavatym u vajennych złačynstvach i złačynstvach suprać čałaviečnaści padčas šturmu telecentra ŭ Vilni ŭ 1991 hodzie. Jazava zavočna prysudzili da 10 hadoŭ turmy.
Akramia taho, pasoł Matuzas maje status śpiecyjalnaj śviedki, prysvojeny jamu ŭ ramkach spravy ab chabary za vydaču vizy, jakaja rasśledujecca ŭ Litvie.
Prezident Dala Hrybaŭskajcie padkreśliła, što Matuzas z-za svajho statusu śpiecyjalnaj śviedki pa spravie ab chabary kidaje cień na dypłamatyčnuju słužbu.
