Razbojny napad ździejśniŭ minčuk na dačy ŭ Smalavickim rajonie pry dziciaci, ale praź niekalki hadzin jaho zatrymali, paviedamlaje UUS.
U vioscy Palanka Smalavickaha rajona ŭ 35-hadovaj žančyny znajomy na vyhlad mužčyna pazyčyŭ nievialikuju sumu na maršrutku da Minska. Praź niekatory čas jana ŭbačyła ŭ akno, što toj ža čałaviek nabližajecca da jaje doma z nažami ŭ rukach. Jon zajšoŭ i, ubačyŭšy małaletniaha syna haspadyni, schavaŭ nažy za śpinu.
Mužčyna zapatrabavaŭ hrošy. Haspadynia addała jamu z kašalka apošnija 35 rubloŭ. Toj skazaŭ, što hetaha mała, zapatrabavaŭ śpirtnoha i zabraŭ butelku piva. Paśla skazaŭ, što žančyna navat nie ŭjaŭlaje, što jon moh by ź joj zrabić. Hetaja fraza jaje vielmi napałochała, tolki praz hadzinu jana nabrała mužu i ŭžo paśla patelefanavała ŭ milicyju.
Nieŭzabavie ahresara znajšli — im akazaŭsia 33-hadovy minčuk. Mužčyna žyŭ razam sa svajoj babulaj i pieryjadyčna naviedvaŭsia na jaje daču ŭ vioscy.
Mužčyna byŭ zatrymany i dastaŭleny ŭ Smalavicki RAUS. Zaviedziena kryminalnaja sprava pa artykule «razboj», jon taksama padazrajecca ŭ kradziažy ŭ adnym z damoŭ vioski Palanka.
