Kiraŭnik Čačni Ramzan Kadyraŭ prakamientavaŭ rašeńnie Viarchoŭnaha suda respubliki ab admienie śpisańnia daŭhoŭ nasielnictva za haz. U razmovie z žurnalistami čačenski lidar udakładniŭ, što, admianiŭšy śpisańnie daŭhoŭ, sud vynies rašeńnie, jakoje dapamoža navieści paradak u hetym pytańni. Havorka idzie pra sumu kala $140 miljonaŭ.
«Nadyšoŭ čas surjozna razabracca i z daŭhami za haz, jakija prypisvajucca Čačni. U pieršuju čarhu varta vyśvietlić, jakim čynam i pa jakich paramietrach vyznačałasia hetaja suma zapazyčanaści», — napisaŭ Kadyraŭ u svaim tielehram-kanale.
Jon nahadaŭ, što ŭ čas vajennych dziejańniaŭ u Čačni hazapravodnyja sietki byli praktyčna całkam razburany, i «całkam adsutničała mahčymaść kantralavać spažyvańnie hazu».
«My viedajem, što naša kraina daravała mnohim dziaržavam staryja daŭhi. I hety žest dobraj voli ŭsimi prymajecca stanoŭča. Čačnia i jaje narod spadziajucca, što ŭ siłu asablivych abstavin, jakija skłalisia, dziaržava i kampanija pojduć im nasustrač. I takoje rašeńnie budzie spraviadlivym», — zajaviŭ Kadyraŭ.
