Kandydat u prezidenty Ukrainy Uładzimir Zialenski nie pryjechaŭ u studyju najbujniejšaha ŭkrainskaha telekanała 1+1 na žyvy efir, u toj čas, jak jaho supiernik Piatro Parašenka tudy pryjšoŭ. Zialenski padčas telefonnaha ŭklučeńnia ŭ žyvym efiry paviedamiŭ, što znachodzicca ŭ Francyi.
«Piatro Parašenka vydatna viedaje, što ciapier ja znachodžusia ŭ Paryžy. Tamu što jaho vydatnyja aŭtamabili, Słužba biaśpieki Ukrainy mianie tudy supravadžali ŭ aeraport… U mianie sustreča zaŭtra, a treciaj hadzinie dnia, z prezidentam Francyi», — zajaviŭ Zialenski.
U svaju čarhu Parašenka abvierh, što cikavicca pierasoŭvańniami Zialenskaha.
«Ja nie cikaŭlusia vašymi pierasoŭvańniami. Heta vaša pryvatnaja ci dziaržaŭnaja sprava. Ja siońnia zaprasiŭ na debaty. Kali vy zaraz znachodziciesia pa-za miežami Kijeva, ja heta z razumieńniem usprymaju», — skazaŭ Parašenka.
Parašenka padčas telefonnaj razmovy ahučyŭ svaju prapanovu pravieści debaty na stadyjonie «Alimpijskim» u nastupnuju niadzielu, 14 krasavika, pakolki 19 krasavika jon budzie na debatach na Hramadskim telebačańni (Suśpilnie tielebačieńnia), jak taho patrabuje zakon.
Zialenski, u svaju čarhu, uchiliŭsia ad pramoha adkazu adnosna debataŭ 14 krasavika, zajaviŭšy, što jaho nichto «ŭ pazicyju nie stavić», a damoŭlenaść pra debaty 19 krasavika na stadyjonie Alimpijski zastajecca ŭ sile.
«A zaraz skonču ja. 19 čysła na NSK Alimpijski. Kropka», — zajaviŭ Zialenski i kinuŭ trubku.
Padčas razmovy kandydaty šmat razoŭ pierapyniali adzin adnaho.





