U milicyju źviarnuŭsia 38-hadovy kiroŭca maršrutki, jaki zajaviŭ, što jaho źbili nieznajomyja jamu ludzi. Incydent adbyŭsia prosta ŭ aŭtamabili, kali mužčyna vykonvaŭ zakaz i vioz chulihanaŭ pa raniej abumoŭlenym maršrucie, paviedamlaje abłasnaja milicyja.
Milicyja chutka zatrymała chulihanaŭ. Akazałasia, što pasažyry maršrutki, ledź sieŭšy ŭ sałon, stali pravakavać kiroŭcu. Jany znachodzilisia ŭ stanie ałkaholnaha apjanieńnia i prasili mužčynu pieravysić chutkaść, kab jechać chutčej. Kiroŭca pasprabavaŭ rastłumačyć pasažyram, što nie stanie parušać zakon, ale biezvynikova: tyja stali vyryvać ź jaho ruk rul, sprabujučy rastłumačyć, jak chutka treba jeździć pa mahiloŭskich vulicach.
Aburyŭšysia, što kiroŭca spyniŭsia, kab vysadzić inšych pasažyraŭ, jany vypichnuli z aŭtamabila, a paśla vyjšli sami. Užo na vulicy jany źbili jaho z noh i stali źbivać. Kiroŭca ŭ padranaj i zapeckanaj vopratcy sprabavaŭ uciačy ad svaich pasažyraŭ, ale jany pieraśledavali jaho da taho času, pakul na kryki achviary nie pačuli minaki.
