Kiraŭnik dziaržavy aznajomiŭsia siońnia z vynikami raboty rezidentaŭ parka pa raźvićci ličbavych technałohij dla sielskaj haspadarki, achovy zdaroŭja, adukacyi, finansaŭ, transpartu, handlu, ekałohii, robatatechniki, łazieraŭ, optyki, mikraelektroniki, piša BiełTA.
Jon padrabiazna cikaviŭsia ŭ pradstaŭnikoŭ IT-supolnaści nie tolki ŭžo najaŭnymi raspracoŭkami, i tym, jak jany mohuć vykarystoŭvacca ŭ roznych śfierach, ale i pierśpiektyŭnymi napramkami, napracoŭkami, jakija buduć zapatrabavanyja ŭ budučyni.
Cikavaść kiraŭnika dziaržavy vyklikali i raspracoŭki ŭ vobłaści robatatechniki. U apošni čas cana ŭ śviecie na padobnyja pryłady značna ŭpała, i ciapier robaty ŭžo mohuć być zapatrabavany ŭ samych roznych halinach, uklučajučy pramysłovaść, miedycynu, APK i navat hramadskaje charčavańnie.
Jon nie vyklučyŭ, što pradstaŭlenaja raspracoŭka moža być zapatrabavana ŭ ajčynnym aŭtamabilebudavańni. «Nastupaje era robataŭ, chaciełasia b heta kamu-niebudź ci nie», — adznačyŭ kiraŭnik dziaržavy.
Alaksandru Łukašenku raspaviali pra błokčejn-technałohii, jakija atrymali svajo raźvićcio ŭ Biełarusi paśla pryniaćcia dekretu №8 «Ab raźvićci ličbavaj ekanomiki». U studzieni była zapuščana kryptabirža, instrumienty jakoj akazalisia vielmi zapatrabavanyja. U liku inšaha jany značna palahčajuć praces pryciahnieńnia inviestycyj. Alaksandr Łukašenka adznačyŭ, što, padpisvajučy adpaviednuju narmatyŭnuju bazu, jon dziejničaŭ pa pryncypie, što kraina ad pryniaćcia hetych rašeńniaŭ jak minimum ničoha nie stracić. «Budziem ruchacca», — skazaŭ jon.
Kiraŭnik dziaržavy aznajomiŭsia z raźvićciom JERAM Systems — adnoj z najbujniejšych suśvietnych IT-karparacyj, jakaja maje biełaruskija karani.
