DAI prapanuje ŭdakładnić praviły propusku piešiechadoŭ na piešachodnych pierachodach, paviedamlaje BiełTA.
Pakul što ŭ praviłach prosta paznačana, što kiroŭca pavinien sastupić darohu piešachodam. Ale što takoje «sastupić darohu»? Pavodle praviłaŭ — nie rabić takich dziejańniaŭ, jakija mohuć prymusić kahości źmianić chutkaść ci nakirunak ruchu.
Aŭtamabilisty ŭsprymali situacyju pa-svojmu, daišniki — pa-svojmu. U vyniku kiroŭcy atrymlivali bieźlič štrafaŭ za toje, što nie spyniajučysia prajazdžali praź piešachodny pierachod, da jakoha niechta padychodziŭ z supraćlehłaha boku darohi.
Ciapier prapanujuć uzakonić tak zvanaje «praviła dźviuch pałos», jakoje raniej było prapisana ŭ milicejskich rekamiendacyjach.
Pa prajekcie praviłaŭ budzie ličycca, što kiroŭca sastupiŭ darohu piešachodu, kali ŭ momant pierasiačeńnia pierachodu pamiž imi zastalisia dźvie pałasy dla ruchu.
Takaja situacyja ciapier budzie ličycca parušeńniem — pamiž aŭtobusam i piešachodami mienš za dźvie pałasy
