U Vialikabrytanii na darohach u Chempšyry ŭkaranili detektary mabilnych telefonaŭ za rulom. Jany adsočvajuć kiroŭcaŭ, jakija vykarystoŭvajuć pryłady biez hands-free i papiaredžvajuć ich śpiecyjalnym znakam, paviedamlaje BBC.
Sistema składajecca z datčykaŭ, jakija vyznačajuć aktyŭnaść 2G, 3G i 4G i Bluetooth-sihnałaŭ, a taksama śviatłodyjodnaha papieradžalnaha znaka, jaki raźmieščany na nievialikaj adlehłaści ŭzdoŭž darohi. Na im namalavany pierakreśleny telefon u čyrvonym kruzie.
Kali datčyk vyjaŭlaje vykarystańnie smartfona biez Bluetooth, to aktyvuje papieradžalny znak. Pakul što sistema vykarystoŭvajecca tolki ŭ adukacyjnych metach i nie źviazanaja z zakonami. Datčyki nie mohuć adroźnić vykarystańnie telefona kiroŭcami abo pasažyrami, tamu znak budzie spracoŭvać va ŭsich vypadkach.
Pa brytanskich zakonach za vykarystańnie telefonaŭ za rulom naležyć štraf i štrafnyja bały na pravy, ale pakul što sistema nie zapisvaje patencyjnych parušalnikaŭ.
