U Barysavie dva školniki, 10 i 14 hadoŭ, sprabavali skraści mikraaŭtobus, jaki byŭ pryparkavany la pryvatnaha doma, paviedamlaje BiełTA.
Inicyjataram svavolstva staŭ małodšy chłopčyk. Pierad hetym jon inšym klučom adkryŭ mašynu, pasiadzieŭ u sałonie i pajšoŭ. Zatym školnik viarnuŭsia da aŭtamabila sa svaim 14-hadovym znajomym, jaki viedaŭ, jak zapuścić ruchavik. Tym nie mienš pajezdka nie adbyłasia — chłopcaŭ zaŭvažyŭ znajomy haspadara aŭto. Jon paśpieŭ zatrymać starejšaha, małodšamu ŭdałosia źbiehčy. Adnak znajści jaho ŭdałosia vielmi chutka.
Kryminalnuju spravu pa st.214 KK Biełarusi (vykradańnie transpartnaha srodku abo małamiernaha sudna) raspačali ŭ dačynieńni da 14-hadovaha chłopca. Druhi złodziej nie dasiahnuŭ uzrostu kryminalnaj adkaznaści, tamu ŭ dačynieńni da jaho baćkoŭ składuć administracyjny pratakoł pa st.9.4 KoAP Biełarusi (nievykanańnie abaviazkaŭ pa vychavańni dziaciej).
