Dźviuch 30-hadovych siabrovak źbiła na vulicy mahiloŭka. Incydent adbyŭsia apoŭnačy na prypynku hramadskaha transpartu «Hrunvaldskaja».
Akazałasia, što siabrovak źbiła 20-hadovaja raniej nie sudzimaja biespracoŭnaja dziaŭčyna, jakaja prachodziła mima prypynku ŭ zasmučanych pačućciach. Ślozy prachožaj zaŭvažyli dźvie pryjacielki, jany paklikali jaje i spytali, što adbyłosia. Dziaŭčyna pačała raspaviadać, što pasvaryłasia z maładym čałaviekam, na što žančyny stali davać joj parady. Ale jany mahiloŭcy nie pryjšlisia da spadoby. Hruba adkazaŭšy spahadlivym žančynam, jana nakinułasia na ich z paprokami i pačała źbivać.
Adnoj ź siabrovak dziaŭčyna padrapała tvar i adarvała kišeniu dublonki. Abiedźvie paciarpiełyja atrymali cialesnyja paškodžańni.
Vyrašajecca pytańnie ab zaviadzieńni kryminalnaj spravy za chulihanstva.
