Minimum 9 čałaviek zatrymali 12 krasavika ŭ Breście na 19.00. Pra heta «Bresckaj haziecie» raspaviała aktyvistka Julija Zubik.
Pajšli pa poźvie ŭ RAUS i nie vyjšli praciŭniki budaŭnictva pad Brestam akumulatarnaha zavoda Kaciaryna Basarhina, Dźmitryj Andrasiuk, Uładzimir Kazłoŭski, Dzianis Małašanka, Siarhiej Śvirski, Uładzisłaŭ Abramovič, Aleh Jarmolenka, Dziamjan Lepiasievič i pravaabaronca Uładzimir Vialičkin. Pieršapačatkova paviedamlałasia pra zatrymańnie i Iryny Silickaj, ale, pa ŭdakładnienaj infarmacyi, jaje adpuścili z pozvaj na niadzielu na 12.00.
Pa słovach Julii Zubik, ich zatrymali za parušeńnie paradku arhanizacyi abo praviadzieńnia masavych mierapryjemstvaŭ (artykuł 23.34 KaAP). Chutčej za ŭsio, havorka idzie pra šeście pa vulicy Savieckaj 7 krasavika, padčas jakoha ludzi skandavali łozunhi suprać zavoda.
Imavierna, u IČU ŭsie zatrymanyja prabuduć da paniadziełka, a 15 krasavika ich buduć sudzić.
Nahadajem, bolš za hod u Breście i rajonie praciahvajecca pratest miascovych žycharoŭ suprać źjaŭleńnia akumulatarnaha zavoda pobač z horadam.
