Dla studentaŭ Biełaruskaha dziaržaŭnaha ŭniviersiteta vypuścili novyja praviły. Zhodna ź imi, studenty nie pavinny dapuskać kamientary, jakija mohuć paškodzić imidžu BDU. Takoje patrabavańnie źmiaščajecca ŭ praviłach unutranaha rasparadku studentaŭ viadučaj biełaruskaj VNU, źviartaje ŭvahu Tut.by.
Skrynšot dakumienta.
U abnoŭlenych praviłach unutranaha rasparadku dla navučencaŭ u BDU źjaviŭsia novy punkt u raździele 3 «Abaviazki navučencaŭ».
Punkt 5.20 abaviazvaje studentaŭ «nie dapuskać kamientaroŭ pra BDU i ad asoby BDU, jakija raźmiaščajucca ŭ infarmacyjnaj prastory (ŚMI, internet, sacyjalnyja miedyja), jakija mohuć nanieści pahrozu imidžu i dziełavoj reputacyi BDU».
Takija ž patrabavańni pradjaŭlajucca i da aśpirantaŭ, daktarantaŭ i suiskalnikaŭ BDU ŭ punkcie 6.9.
Za raspaŭsiudžvańnie infarmacyi, jakaja niasie «pahrozu imidžu i dziełavoj reputacyi BDU», praduhledžana dyscyplinarnaja adkaznaść.
Pa papiarednich danych, praviła «nie krytykavać» pryniata nie tolki ŭ BDU, ale i ŭ inšych VNU Biełarusi.
