Zasnavanaja ŭ 2011 hodzie Stratolaunch Systems praviała pieršy palot samaha vialikaha ŭ śviecie samalota-nośbita Stratolaunch.
Na kadrach bačna, jak samalot lacić u bok vietrakoŭ u supravadžeńni inšaha aparata.
U Stratolaunch dva fiuzielažy, jon važyć 226 t, razmach jaho kryłaŭ składaje 117,3 m, dla paraŭnańnia: u savieckaha transpartnika An-225 «Mrija» — 88 m. Hety samalot pryznačany dla vyvadu rakiet i spadarožnikaŭ na arbitu z vyšyni bolš za 9 tys. m.
Budaŭnictva Stratolaunch zaviaršyli ŭ červieni 2017-ha. Tady ž hiendyrektar Stratolaunch Systems Žan Fłojd zajaviŭ, što ŭ chutkim časie pačnucca naziemnyja i lotnyja vyprabavańni.
Zapusk spadarožnikaŭ z dapamohaj samalota-nośbita moža być tańniejšy, čym pry vykarystańni tradycyjnych rakiet. Tak, Stratolaunch nie patrebnyja startavyja placoŭki, a raschod paliva ŭ jaho mienšy, čym u rakiety-nośbita. Pry hetym na zapusk samalota nie tak mocna ŭpłyvajuć umovy nadvorja — pavietranaje sudna moža ablacieć štorm.