Fota z adkrytych krynic
U Stakholmie pamierła zorka filmaŭ Inhmara Bierhmana Bibi Andersan. Aktrysy nie stała va ŭzroście 83 hadoŭ, pieradaje šviedskaje vydańnie Expressen.
U 2009 hodzie ŭ Francyi Bibi Andersan pieraniesła insult. U apošni čas jana žyła ŭ Stakholmie i z-za zdaroŭja nie mahła jeździć da siamji svajoj dački ŭ ZŠA.
Bibi Andersan źniałasia ŭ 11 filmach Inhmara Bierhmana. Debiutam dla jaje stała rekłama myła ŭ 15 hadoŭ, jakuju režysior zdymaŭ u pačatku svajoj karjery. Taksama aktrysa pracavała ŭ teatry Malmio, kiraŭnikom jakoha byŭ Bierhman.
Bibi Andersan trojčy była zamužam. U jaje zastaŭsia muž, 80-hadovy doktar Habryel Mora Bajeza, ź jakim aktrysa ŭzakoniła adnosiny ŭ 2004 hodzie.
Inhmar Bierhman pamior va ŭzroście 89 hadoŭ u 2007-m.
Najlepšyja filmy Inhmara Bierhmana ź Bibi Andersan
— «Uśmieški letniaj nočy» (1955)
— «Siomaja piačatka» (1957)
— «Suničnaja palana» (1957)
— «Asoba» (1958),
— «Piersona» (1966).
— «Sceny ź siamiejnaha žyćcia» (1973).