Sud Leninskaha rajona Bresta 15 krasavika praciahnuŭ razhlad kryminalnaj spravy ŭ dačynieńni da viadomaha błohiera Siarhieja Piatruchina, jakoha abvinavačvajuć pa č. 2 art. 188 («Paklop») i č. 2 art. 189 («Abraza») Kryminalnaha kodeksu. Spravu razhladaje sudździa Alaksandr Siemiančuk, paviedamlaje spring96.org 

U jakaści paciarpiełych vystupajuć supracoŭniki Leninskaha RAUS Siarhiej Ihnaciuk, Dźmitryj Jakuševič, Ihar Halancič i Siarhiej Takun.

Siońnia, jak i ŭ minułyja dni, zahadzia na sud pryjšło šmat supracoŭnikaŭ milicyi. 

Piatruchin zajaviŭ chadajnictva ab dopycie śviedki Kalinoŭskaha, jaki nibyta staŭ achviaraj źbićcia adnym z paciarpiełych milicyjantaŭ. Pa faktu źbićcia inšaha śviedki Kaminskaha vosiem razoŭ admaŭlałasia ŭ zaviadzieńni kryminalnaj spravy.

«Vinavataść Piatruchina padćviardžajecca materyjałami spravy, jakija byli vyvučany padčas sudovaha raźbiralnictva», — začytvaje prakuror padrychtavanuju pramovu.

Taksama prakuror śćviardžaje, što ekśpiert nie moža prama adkazać na pytańnie ab tym, ci mieli miesca paklop i abraza. 

«Heta ludzi navuki. Svajoj navuki. Heta toje ž samaje, što spytać u jaho, ci mieła miesca zabojstva. Zaklučeńnie prafiesara Łukašanca źjaŭlajecca tolki pryvatnym mierkavańniem vučonaha, jakoje nie moža być pakładziena ŭ asnovu abvinavačańnia»- kaža prakuror.

Prakuror źviartaje ŭvahu sudździ, što dziejnaść Piatruchina maje publičny charaktar.

«Raniej sudzimy nie byŭ, ale pryciahvaŭsia da administracyjnaj adkaznaści. Źjaŭlajecca IP. Charaktaryzujecca stanoŭča. Prašu pryznać Piatruchina vinavatym i pryznačyć pa art 188 KK 100 b.v. pa art. 189 KK - abmiežavańnie voli na 2 hady z nakiravańniem i spahnańnia škody na karyść paciarpiełych», — kaža prakuror.

Pa sukupnaści - abmiežavańnie voli na 2 hady z nakiravańniem u papraŭčuju ŭstanovu adkrytaha typu i štraf.

Клас
0
Панылы сорам
0
Ха-ха
0
Ого
0
Сумна
0
Абуральна
0