Infarmacyju pra hibiel biełaruskich śpiecyjalistaŭ u Siryi abvierhli jak u MZS, tak i ŭ Dziaržkamvajenpramie, paviedamlaje Tut.by.

Pavodle vydańnia Debka, 13 krasavika Izrail nanios ŭdary pa Siryjskim centry navukovych daśledavańniaŭ i raspracovak u horadzie Maśjaf. U vyniku zahinuli i atrymali ranieńni iranskija i siryjskija śpiecyjalisty, a taksama vajennyja ekśpierty ź Biełarusi i KNDR.

Čytajcie taksama: Izrailski ŚMI: U Siryi zahinuli biełaruskija vajskovyja śpiecyjalisty

«Kateharyčna abviarhajem hetuju infarmacyju», — zajaviŭ aficyjny pradstaŭnik MZS Biełarusi Anatol Hłaz.

Pradpryjemstva «Biełźniešpramservis» uvachodzić u strukturu Dziaržaŭnaha vajenna-pramysłovaha kamiteta Biełarusi (Dziaržkamvajenprama).

«Pačniem z taho, što «Biełźniešpramservis» — śpieceksparcior vajennaj techniki i rakietnymi technałohijami nie zajmajecca. Taksama śmieju vas zapeŭnić, što pradstaŭnikoŭ «Biełźniešpramservisu» ŭ Siryi niama», — padkreśliŭ aficyjny pradstaŭnik Dziaržkamvajenprama Uładzimir Łaŭraniuk.

I ŭ MZS, i ŭ Dziaržkamvajenpramie nazvali publikacyju izrailskaha partała falsifikacyjaj.

Клас
0
Панылы сорам
0
Ха-ха
0
Ого
0
Сумна
0
Абуральна
0