Na ramont Manumienta Družby («Try siastry») u pryhraniččy Homielskaj, Branskaj i Čarnihaŭskaj abłaściej płanujecca vydatkavać kala 2 miljonaŭ rubloŭ, paviedamlaje BiełTA.

Raschody ŭklučajuć biahučy ramont samoha abjekta i dobraŭparadkavańnie prylehłaj terytoryi.

Pa prajekcie, viadučyja z troch bakoŭ da manumienta darožki buduć vybrukavany ŭ styli nacyjanalnych arnamientaŭ Biełarusi, Rasii i Ukrainy.

Raniej kala manumienta raźmiaščałasia handlovaja zona i prachodzili tematyčnyja mierapryjemstvy ŭ ramkach mižnarodnaha fiestyvalu «Słavianskaje adzinstva» i moładzievaha łahiera «Družba», u jakich brali ŭdzieł delehacyi ź Biełarusi, Rasii i Ukrainy.

Štohod Biełaruś, Rasija i Ukraina pa čarzie prymali abaviazki pa sustrečy haściej i arhanizacyi mierapryjemstvaŭ. Tut prachodzili sustrečy pieršych asob troch dziaržaŭ, a taksama inšyja maštabnyja dziejstvy.

Adnak paśla rasijskaj ahresii Ukraina straciła cikavaść da praviadzieńnia fiestyvalu la manumienta «Try siastry».

Клас
0
Панылы сорам
0
Ха-ха
0
Ого
0
Сумна
0
Абуральна
0