Arhanizatary «Ahulnaj dyktoŭki» znoŭ zaprašajuć usich achvočych napisać pad dyktoŭku tekst na biełaruskaj movie. Sioleta jana projdzie 1 červienia a 12 hadzinie ŭ Nacyjanalnaj biblijatecy Biełarusi.
U hetym hodzie mierapryjemstva prachodzić pry padtrymcy radyjokanała «Kultura» Biełaruskaha radyjo. «Ahulnaja dyktoŭka» budzie tranślavacca ŭ žyvym efiry radyjokanała (102,9 FM u Minsku, 88,5 FM u Breście, 99,3 FM u Viciebsku, 91,5 FM u Homieli, 95,0FM u Hrodnie, 99,1 FM u Mahilovie).
Tekst budzie pryśviečany 400-hodździu vychadu «Hramatyki» Mialecija Smatryckaha — knihi,iakaja bolš za 200 hadoŭ była viadučym vydańniem pa słavianskaj fiłałohii.
Usie teksty ŭdzielnikaŭ mierapryjemstva ŭ Nacyjanalnaj biblijatecy pravierać prafiesijnyja fiłołahi, a vydatniki atrymajuć admysłovyja pryzy ad arhanizataraŭ.
Rehistracyja na mierapryjemstva abaviazkovaja (prajści jaje možna pa spasyłcy). Pry zapaŭnieńni formy nieabchodna adznačyć, ci płanujecie vy pisać dyktoŭku vočna (u Nacyjanalnaj biblijatecy Biełarusi) ci pa radyjotranślacyi.
