Biełaruski muzyka-huślar Aleś Čumakoŭ zaprašaje ŭsich nieabyjakavych padtrymać vydannje novaha alboma irłandskich karčomnych pieśniaŭ pa-biełarusku «Praŭda ŭ vinie».
Zbor srodkaŭ na vydańnie dyska pierakładaŭ irłandskich papularnych śpievaŭ adkryty na kraŭdfandynhavaj placoŭcy ULEJ.
Aleś Čumakoŭ — biełaruski majstar-huślar, viadomy šyrokaj publicy jak muzyka hurta «Stary Olsa» i lidar prajekta Ceilidh Ceol. Paznavalny vakalist i instrumientalist, jon paśpiachova adkryŭ siabie ŭ solnaj tvorčaści i praz udałuju apracoŭku siaredniaviečnych biełaruskich narodnych baładaŭ i vajarskich piesień praciahnuŭ adradžeńnie i sučasnaje ŭdaskanaleńnie staražytnaj tradycyi huślarstva.
U 2013 pabačyŭ śviet dysk «Syny staradaŭniaj Litvy», u jakim Aleś Čumakoŭ tvorča raskryŭ temu padabienstva losu Biełarusi i Irłandyi, minułaha krain, ich šlachu da niezaležnaści, zmahańnia za svabodu, apiavańnia svaich hierojaŭ i histaryčnych padziej. U pierakładzie irłandskich hieraičnych piesień na biełaruskuju movu prahladajecca asablivy ramantyzm časoŭ Kaściuški, z honaram zhadvajucca paŭstańni XIX stahodździa.
U albomie «Praŭda ŭ vinie» Aleś Čumakoŭ adlustroŭvaje praciah pošuku ŭzajemasuviazi dźviuch krain. Na druhim dysku muzyka prapanuje słuchačam pierakład ulubionych irłandcami papularnych karčomnych piesien.
Na siońniašni dzień studyjnaja praca nad albomam «Praŭda ŭ vinie» amal skončanaja. Kožny achvotny moža spryčynicca da vydańnia alboma irłandskich karčomnych pieśniaŭ pa-biełarusku «Praŭda ŭ vinie» pad adnoj vokładkaj ź pieravydańniem irłandskich histaryčnych pieśniaŭ pa-biełarusku «Syny staradaŭniaj Litvy».
