U Čudnavie, što ŭ Žytomirskaj vobłaści, znajšli nadmahilnuju plitu piśmieńnika XIX st. Jana Barščeŭskaha, aŭtara «Šlachcica Zavalni, abo Biełarusi ŭ fantastyčnych apaviadańniach», paviedamlaje sajt chudnivnews.in.ua.
Znajšłasia plita na pryvatnym padvorku adnaho z haradžan. Mužčyna raspavioŭ, što jašče ŭ 2002 ci 2003 hodzie kapaŭ tranšeju dla hazavaj truby i natyknuŭsia na čyhunnuju plitu. Jana lažała ŭ ziamli na hłybini 50 santymietraŭ. Važyła kala 30—35 kh.
10 hadoŭ plita prosta stajała pad chlavom, a potym haspadar cemientavaŭ dvor i častku terytoryi vyrašyŭ prykryć plitoj. Z časam irža ź plity ściorłasia, i staŭ bačny nadpis. Haspadary ličyli, što jon zrobleny pa-niamiecku. Adnak ich dačka čaćviertakłaśnica Alena vyrašyła pašukać u internecie, kamu naležyć pachavańnie.
Chutčej za ŭsio, heta plita mienavita z mahiły biełaruska-polskaha piśmieńnika Jana Barščeŭskaha: svaje apošnija hady jon pravioŭ u Čudnavie, dzie ŭ 1851 hodzie pamior. Na plicie źmieščany taki nadpis: «Jan Barščeŭski, jaki lubiŭ Boha, pryrodu i ludziej, piśmieńnik natchnieńniaŭ i pačućcia. Žyŭ cnatliva 70 hod. Pamior 28 lutaha 1851 hoda».
