«Kinakonh» prezientuje novy film pa-biełarusku: 26 krasavika ŭ prakacie startuje «Ja mahu tolki maryć» — bijahrafičnaje kino pra stvareńnie adnajmiennaha muzyčnaha chita.

U 2001 hodzie małaviadomy hurt Mercy Me vypuściŭ śpieŭ, jaki skaryŭ sercy słuchačoŭ. Ź miljonami pradadzienych kopijaŭ, śpieŭ «I can only imagine» staŭ trojčy płacinavym, uznačaliŭ chit-parady i nazvany najpapularniejšym chryścijanskim sinhłam u sučasnaj historyi.

Ale pierad jahonym stvareńniem aŭtaru daviałosia prajści praz mnohija žyćciovyja vyprabavańni — chatni hvałt, ucioki z domu, pošuki siabie…

Film, jaki na pačatku vyhladaje muzyčnaj bijahrafijaj, raskryvajecca jak hłybokaja i kranalnaja drama pra stasunki baćkoŭ i dziaciej, dziciačyja traŭmy, vieru, prabačeńnie i prymireńnie.

Jašče bolšuju siłu hetaj historyi nadaje jaje sapraŭdnaść — film raspaviadaje realnuju bijahrafiju Barta Miłarda — 46-hadovaha frontmena amierykanskaha hurta Mercy Me.

Vypuščany ŭ 2018 hodzie film «Ja mahu tolki maryć» paŭtaryŭ vybuchovy pośpiech pieśni — pry ścipłym biudžecie ŭ $ 7 młn jon sabraŭ u 12 razoŭ bolš — za $ 80 młn tolki ŭ ZŠA. A ciapier i ŭ biełaruskich hledačoŭ jość mahčymaść pahladzieć hety hłyboki i kranalny film na vialikim ekranie, dy jašče i na rodnaj movie ŭ ahučcy najlepšych biełaruskich artystaŭ.

26-28 krasavika film možna ŭbačyć u kinateatrach «Maskva» i silverscreen. Kvitki ŭ kasach i anłajn.

Клас
Панылы сорам
Ха-ха
Ого
Сумна
Абуральна