«Bielinviestbank» uvodzić novyja praviły źniaćcia hrošaj. Źjaŭlajucca abmiežavańni: biez kamisii ciapier nie źniać bolš za 500 rubloŭ na dzień i 1500 rubloŭ na miesiac. 

Jak bank tłumačyć pryčyny novaŭviadzieńniaŭ? 

Na pytańni «Našaj Nivy» adkazaŭ namieśnik staršyni praŭleńnia «Bielinviestbanka» Alaksandr Filipovič. 

Alaksandr Filipovič, fota «Bielinśviestbanka»

Alaksandr Filipovič, fota «Bielinśviestbanka»

«Mabyć, samy hałoŭny arhumient pry adkazie na pytańnie «čamu budzie ŭviedzienaja kamisija?» — heta biaśpieka,

— havorycca ŭ jaho adkazie. — Zachavanaść hrašovych srodkaŭ, kantrol za vydatkami i masa bonusaŭ — heta toje, što siońnia harantuje luby kanał dystancyjnaha absłuhoŭvańnia.

My prapanujem nie nasić u kišeni pačak hrošaj, a zarablać, atrymlivajučy money-back pry raźliku apłatnaj kartkaj i prymajučy ŭdzieł u prahramach łajalnaści ad płaciežnych sistem, rekłamnych hulniach».

Admova ad najaŭnych — metanakiravanaja stratehija. 

«Heta taksama źviazana sa stymulavańniem bieznajaŭnych raźlikaŭ, jakija supravadžajucca raźvićciom sučasnych płaciežnych miechanizmaŭ i sistem dystancyjnaha bankaŭskaha absłuhoŭvańnia, — tłumačyć dalej Filipovič. — Z kožnym hodam dola bieznajaŭnych apieracyj raście. Hety trend charakterny i dla našaj krainy. Ale pierachod pavinien być pastupovym. Razumiejučy heta, my prapracoŭvali hetaje pytańnie praktyčna hod: pravodzilisia daśledavańni, jakija dazvolili nam vyznačyć tyja normy, jakija zastanucca praktyčna niezaŭvažanymi dla bolšaści našych klijentaŭ».

Filipovič padmacoŭvaje hetuju dumku statystykaj:

«Z 99% płaciežnych kartak banka za miesiac zdymajecca najaŭnymi da 1 500 rubloŭ. U adpaviednaści z hetaj ličbaj my i ŭstalavali sumu, pačynajučy ad jakoj budzie spahaniacca kamisija za źniaćcie najaŭnych».

Jon taksama patłumačyŭ, čamu robicca płatnaj pasłuha prahladu bałansa kartki ŭ «matčynym» bankamacie.

«Z raźvićciom kanałaŭ dystancyjnaha absłuhoŭvańnia, a ja maju na ŭvazie internet-bankinh i mabilny dadatak, vykarystańnie jakich absalutna biaspłatnaje ŭ Bielinviestbanku, nieabchodnaść prahladu bałansu kartki ŭ bankamatach i infakijoskach adpadaje. Zychodziačy z statystyčnych dadzienych, mienš za 20% karystalnikaŭ prahladajuć bałans karty ŭ terminałach samaabsłuhoŭvańnia i robiać heta bolš za try razy ŭ miesiac», — raskazvaje Alaksandr Filipovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?