U Słucki RAUS pastupili dźvie zajavy ad baćkoŭ dziaciej 12-13 hadoŭ, jakija pavieryli chitrykam machlaroŭ. U adnym vypadku škoda skłała 60 rubloŭ, u inšym — 200 rubloŭ.

Pra novy vid internet-machlarstva «Kurjeru» raspavioŭ Arciom Filipovič, supracoŭnik padraździaleńnia pa baraćbie sa złačynstvami ŭ śfiery vysokich technałohij Słuckaha RAUS.

«Ašukancy ŭ sacsietkach (pieravažna «Ukantakcie») prosiać u niepaŭnaletnich numar mabilnaha telefona albo biaruć jaho na piersanalnaj staroncy karystalnika (padletki čaściej za ŭsio pakazvajuć numar telefona ŭ svaim akaŭncie), — raspavioŭ ekśpiert. — Na hety numar adpraŭlajuć SMS-paviedamleńnie, na jakoje treba dać stanoŭčy adkaz. Začepki roznyja. Naprykład, kab biaspłatna pierasłać ŭnutrysietkavuju valutu, jakaja nieabchodna dla taho, kab adpraŭlać padarunki, atrymlivać hulniavyja bonusy, stykiery i h.d..

Padletki adkazvajuć na hetyja SMS-paviedamleńni, ale nijakich hałasoŭ im nie prychodzić. Ašukancy mohuć kazać, što hrošy śpisvajucca pad zakład, i kali niepaŭnaletnija ci inšyja hramadzianie adkažuć na ŭsie paviedamleńni, to im viernucca i hałasy, i hrošy. Adnak heta nie tak. Za hetyja SMS-paviedamleńni śpisvajucca hrošy».

Arciom Filipovič prosić baćkoŭ źviarnuć uvahu na prablemu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?