Kancert hurta Dzieciuki ŭ Minsku

Upieršyniu za try hady Dzieciuki adyhrajuć solny kancert u Minsku. Hodny arhumient, kab schadzić na vystup hurta. Bo chto viedaje, kali budzie nastupnaja takaja mahčymaść?

U niadzielu chłopcy prezientujuć novy albom Radyjo «Harodnia» i, viadoma ž, zajhrajuć svaje najlepšyja pieśni.

Kvitki možna nabyć na Bezkassira.by

Kali: 28 krasavika (niadziela), 19:00

Dzie: Re:Public (vuł. Prytyckaha, 62)

Cana: 30.00 — 38.00 BYN

Hukavaja vystava «33»

My nie mahli abminuć uvahaj hadavinu Čarnobylskaj trahiedyi. Taja naša historyja, pra jakuju pamiatać baluča, ale nieabchodna. Mienavita joj pryśviečana hukavaja vystava Jaŭhiena Rahozina. Vizualnaja častka adsutničaje, što robić vystavu ŭnikalnaj.

Sam aŭtar tłumačyć heta tak: «Čarnobyl niabačna prysutničaje z nami — niezaležna ad toj «karcinki», jakaja ŭ hety momant nas atačaje. U nas niama zdolnaści bačyć i adčuvać radyjacyjnuju pahrozu. Vierahodna, huk — najadekvatniejšy srodak dla asensavańnia pryncypova nieasiazalnaha postčarnobylskaha dośviedu».

Akramia samoj vystavy, u subotu a 19:00 možna budzie naviedać lekcyju pra «Sučasnuju elekronnuju muzyku» ad Uładzia Bubiena.

A ŭ niadzielu pasłuchać lekcyju «Huk u animacyjnym kino» ad Michaiła Tumiela.

Uvachod na vystavu i na ŭsie lekcyi volny.

Kali: 27 (subota) i 28 krasavika (niadziela)

Vystava: 10:00 — 17:00

Lekcyi: 19:00

Dzie: Miemaryjalny muziej-majsternia Zaira Azhura (vuł. Azhura, 8)

Uvachod: volny

Načny knižny kirmaš

U noč ź piatnicy na subotu ŭ amataraŭ knih źjavicca mahčymaść sustrecca z adnadumcami ŭ niebanalnaj atmaśfiery, a taksama nabyć litaraturu pa pryjemnych koštach.

Tradycyjny načny knižny kirmaš pačynaje pracavać a 23:55 u piatnicu i skančvaje pracu a 14:00 u subotu.

Kali: 27 — 28 krasavika, 23:55 — 14:00

Dzie: Spartyŭny kompleks «Dynama» (vuł. Daŭmana, 23a)

Uvachod: volny

Vandroŭki ŭ minułaje

Unikalny adukacyjna-sacyjalny prajekt, jaki dapamoža vam ubačyć Minsk pa-inšamu. U hetyja vychadnyja arhanizatary zaprašajuć prahulacca pa samych roznych kutočkach našaj stalicy. Nadvorje abiacaje być cudoŭnym, tamu iści «pavandravać» adnaznačna varta.

Udzieł u Vandroŭkach biaspłatny, ale vy možacie dapamahčy raźvićciu prajekta, pakinuŭšy stolki hrošaj, kolki zachočacie.

Što zapłanavali arhanizatary na subotu i niadzielu, a taksama raskład na inšyja daty hladzicie tut.

Kali: 

27 krasavika: 14:00, 16:30, 19:00

28 krasavika: 14:00, 16:30, 19:00

Dzie: sustrečy na roznych łakacyjach Minska. Padrabiaźniej hladzicie ŭ našaj Afišy

Udzieł: možacie achviaravać stolki, kolki chočacie

Multfilm «Myšaniaty i Miesiac»

Stvarajučy padborku padziej na vychodnyja, my pakłapacilisia i pra tych, chto choča adpačyć ź dzietkami. U subotu i niadzielu Minski płanietaryj ładzić pakazy paŭnakupalnaha multfilma «Myšaniaty i Miesiac».

Historyja pra toje, jak adnojčy dva myšaniaty Pip i Skryp zadalisia pytańniem: chto źjadaje zichatlivy Miesiacovy Syr na niebie? Kažany nie viedali adkazu, Sava taksama nie viedała. Ale razumnyja robaty-astranomy dapamahli myšaniatam daviedacca, što takoje na samaj spravie Miesiac, raspaviali pra Miesiacovyja mory biez vady i bieź Miesiacovych ryb. Myšaniaty šmat pra što daviedalisia i ŭbačyli z dapamohaj teleskopa mnostva krataraŭ. Ich tak uraziŭ Miesiac, što jany i sami zachacieli tam kali-niebudź pabyvać!

Rekamiendavany ŭzrost dla prahladu — 4+. Praciahłaść multfilma — 15 chvilin.

Košt uvachodnych kvitkoŭ dla dziaciej — 3.80 BYN, dla darosłych — 4.50 BYN.

Kali: 

27 krasavika (subota): 10:00, 14:00, 17:00

28 krasavika (niadziela): 10:00, 14:00, 17:00

Dzie: Minski płanietaryj (vuł. Frunze, 2)

Cana: 3.80 — 4.50 BYN

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?