Zdareńnie adbyłosia ŭ pasiołku Pryvolny Minskaha rajona.

Pa słovach paciarpiełaj, joj patelefanavała miascovaja žycharka, jakaja paviedamiła, što baćki adnaho ź jaje vychavancaŭ mocna pjanyja, a dzicia nichto nie hladzić, paviedamlaje abłasnaja milicyja.

Piedahoh adpraviłasia pa adrasie, dzie pražyvaje siamja. Ubačyŭšy pjanych baćkoŭ, zahadčyca chacieła zabrać dzicia, adnak pjany baćka pačaŭ vykazvać pahrozy, zatym prynios kanistru i abliŭ ź jaje žančynu. Praciahvajučy pahražać, mužčyna papiaredziŭ, što kali piedahoh nie sydzie, to jon jaje spalić. I dastaŭ z kišeni zapałki. Žančyna, spałochaŭšysia, vybiehła na vulicu i vyklikała milicyju.

Da pryjezdu milicyi złamyśnik ź siamjoj źbieh. Jaho miesca znachodžańnia chutka vyznačyli, i mužčynu zatrymali.

Zaviedziena kryminalnaja sprava za pahrozu zabojstvam, pryčynieńniem ciažkich cialesnych paškodžańniaŭ abo źniščeńniem majomaści, fihurant moža być pazbaŭleny voli na termin da dvuch hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0