U Minsku na vulicy Šyrokaj, 3 evakuiravali ŭsich žycharoŭ šmatpaviarchovika, jaki zdali ŭ ekspłuatacyju ŭ 2014 hodzie. Žychary jašče paŭtara hoda tamu pisali zvaroty ŭ roznyja instancyi z prośbaj vyrašyć pytańnie z apornaj kałonaj u druhim padjeździe, jakaja pačała razburacca. Ramont pačaŭsia tydzień tamu, a siońnia žycharoŭ pryjšłosia terminova vyvodzić na vulicu. Žychary siadziać pad padjezdam i aścierahajucca abvału.

Mnohija viarnulisia z pracy, a dadomu nie puskajuć. Kažuć, što a 20 viečara ich puściać.

U 13.00 usich vyhnali na vulicu.

Časova žycharoŭ evakuiravali ŭ škołu numar 178.

Žycharka Alaksandra kaža, što ich naohuł nie papiaredzili. I jany nie razumiejuć, jaki sens evakujavacca ŭ škołu, kali nie paśpieli ŭziać rečy i ježu. Adna z žančyn kaža, što dźviery ŭ domie prasieli, ich nie mahli adčynić.

Žychary kažuć, što sami ŭskryli šubu i pačali bić tryvohu.

Niekatoryja kažuć, što dakładna im nie skazali, kali možna budzie viarnucca dadomu.

Taksama žychary raskazvajuć, što słužby ŭčora ŭstalavali majački, kab adsočvać uzrovień prasadki, a ranicaj schapilisia za hałavu.

Miascovy žychar Vadzim kaža: «Strašna viartacca ŭ kvateru. Što jany tut zrobiać za paŭdnia? Tut pracy na miesiac».

Niekatoryja kažuć, što buduć kala doma da 20-j hadziny.

Načalstva chodzić u kaskach, žychary skardziacca, što ź imi nie hutarać. Jany aburajucca: «My dla ich nichto».

Ludzi telefanujuć svajakam, prosiacca pieranačavać.

Dzieci pryjšli sa škoły, chočuć dadomu. Baćki kažuć dzieciam, kab jany siadzieli na łaŭcy.

Žycharka Iryna kaža: «Hod u hod 26 krasavika pačali pisać u instancyi. I tolki ciapier apomnilisia, kali dźviery na vierchnich pavierchach pierastali adčyniacca. Raskoliny źjavilisia va ŭsich padjezdach. I z kožnym dniom bolšyja i bolšyja».

Ludzi svaracca z MNS i ŭ ich jość pytańni da adsialeńnia ludziej u škołu.

Susiedka z susiedniaha doma kaža: «Tak vam i treba. Nie treba było ŭ nas hrošy kraści». Akazałasia, što hety dom zdali chutčej, čym susiedski.

La doma dziažuryć administracyja škoły. Heta aburaje žycharoŭ: «A vy tut čaho? Hladzieć, kolki biazdomnych dziaciej zastaniecca?»

Pra ramont žychary viedali, jaho pačali dva dni nazad, ale niešta pajšło nie tak. Ludzi nie panikujuć. Kažuć, dobra, što evakujavali, choć uvahu pryciahnuli.

Niekatorych žycharoŭ puskajuć u dom, kali tam zastalisia dzieci i svojskija žyvioły.

Dom uzvodziŭ zabudoŭščyk KUP «Upraŭleńnie kapitalnaha budaŭnictva administracyi Savieckaha rajona Minska», i abjekt byŭ daŭhabudam.

Śpiecyjalisty rastłumačyli Tut.by, što budaŭniki buduć umacoŭvać kałonu. Dla hetaha pobač ustalujuć stalovuju belku, jakaja pavinna ŭziać na siabie nahruzku. A ŭžo zatym na jaje samu — datčyki, kab adsočvać, što situacyja stabilizavałasia.

Fota: MNS.

Fota: MNS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?