Dzianis Urbanovič. Fota Voli Aficeravaj
U Łahojsku 27 krasavika byli zatrymanyja staršynia Maładoha Frontu Dzianis Urbanovič, a taksama Vital Tryhubaŭ, Ivan Mirončyk, Iłaryjon Trusaŭ, Arciom Klapiec.
Pra heta paviedamiŭ Pavieł Sieviaryniec na svajoj staroncy ŭ Facebook. Zatrymańnie pravodzili milicyjanty ŭ cyvilnaj vopratcy.
Pavodle papiaredniaj infarmacyi, u Łahojsku maładafrontaŭcy źbirali podpisy za vysyłku pasła Rasii Michaiła Babiča.
Jak napisaŭ paźniej Sieviaryniec, Vitala Tryhubava i Arcioma Klapca vypuścili z pratakołami, artykuł 23.34 KoAP (parušeńnie paradku arhanizacyi abo praviadzieńnia masavych mierapryjemstvaŭ).
Uviečary adpuścili i astatnich. Pra heta aktyvisty paviedamili ŭ fejsbuku.
