Premjer Ispanii sacyjalist Piedra Sančes. Fota Rojterz.
Adzinstva Ispanii, spadčyna dyktatury Franka i hiendarnyja pytańni — voś hałoŭnyja temy vybarčaj kampanii ŭ Ispanii. Lavica i pravica iduć uporavień, pieramohu mohuć vyznačyć doli pracenta.
Sprava da chryścijanska-demakratyčnaj Narodnaj partyi i pravalibieralnych «Hramadzian» dadałasia ultrapravaja partyja Vox. Ultrapravyja ŭpieršyniu paśla padzieńnia dyktatury Franka stanuć značnaj siłaj u parłamiencie. Jak čakajecca, jany nabiaruć bolš za 10% hałasoŭ.
Źleva najbolš hałasoŭ, mierkavana, nabiare Sacyjalistyčnaja partyja premjera Piedra Sančesa. U kaalicyju ź joj hatovy ŭvajści krajnie levy ruch Podemos.
Adnak levyja naŭrad ci zmohuć sfarmiravać urad biez padtrymki katałonskich dy inšych rehijanalnych partyj. A čamu katałoncy padtrymlivajuć levych? Bo tyja miakčej staviacca da ruchu za niezaležnaść Katałonii. Pravyja ž nastrojenyja rašuča: dušyć i nie razmaŭlać.
Pravyja vystupajuć za praciah ušanavańnia pamiaci hienierała-dyktatara Franka, levyja chočuć heta spynić.
Narešcie, levyja vystupajuć za pra-hiendarnuju palityku, bolš pravoŭ dla ŁHBT. Pravyja — suprać.
Jak pakazvajuć sacyjołahi, i pravyja, i levyja karystajucca padtrymkaj prykładna 42% vybarcaŭ, reštu hałasoŭ mohuć razabrać nacyjanalnyja i rehijanalnyja partyi.