Film «Mściŭcy: Finał» sabraŭ u pieršy ŭik-end prakatu pa ŭsim śviecie 1,2 miljarda dalaraŭ — heta novy suśvietny rekord pa zborach, paviedamlaje Bloomberg sa spasyłkaj na kampaniju Walt Disney Co.
Papiaredni rekord naležaŭ filmu-papiaredniku kinasuśvietu Marvel «Mściŭcy: Vajna biaskoncaści» — u pieršyja vychodnyja jon sabraŭ 640 miljonaŭ dalaraŭ u suśvietnym prakacie.
U ZŠA i Kanadzie «Mściŭcy: Finał» taksama sabrali rekordny boks-ofis - 350 miljonaŭ dalaraŭ u pieršyja vychodnyja.
Premjera ŭ Minsku adbudziecca siońnia nočču. Pačatak kinapakazaŭ u 23.57, 23.58, 23.59. Siam-tam kvitki ŭžo pradadzienyja.
Pavodle prahnozu Bloomberg, ahulnyja zbory filma mohuć dasiahnuć 2,5 miljarda dalaraŭ. Tolki adzin film u historyi sabraŭ bolš za hetuju sumu — u 2009 hodzie «Avatar» zarabiŭ 2,788 miljarda dalaraŭ u suśvietnym prakacie.