U.S. Navy

U.S. Navy

Ułady ZŠA razhladajuć mahčymaść adpraŭki da 120 tysiač vajskoŭcaŭ na Blizki Uschod, kali Iran napadzie na amierykanskich vajennych abo paskoryć pracy nad jadziernaj zbrojaj, paviedamlaje The New York Times sa spasyłkaj na krynicy ŭ amierykanskaj administracyi.

Pa dadzienych vydańnia, adpaviedny płan pradstaviŭ 9 maja na naradzie pamočnikaŭ prezidenta ZŠA vykanaŭca abaviazkaŭ kiraŭnika Pientahona Patryk Šanachan.

Płan nie praduhledžvaje suchaputnaha ŭvarvańnia ŭ Iran, dla čaho spatrebiłasia b bolš vojskaŭ, adznačajuć krynicy.

U toj ža čas, piša vydańnie, mnohija z udzielnikaŭ narady byli ździŭleny prapanavanaj kolkaściu vajskoŭcaŭ, jakaja supastaŭnaja z kolkaściu amierykanskich vajennych, jakija ŭdzielničali va ŭvarvańni ŭ Irak u 2003 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0