Rejs, jaki nakiroŭvajecca z kalininhradskaha aeraporta ŭ Maskvu, vykonvaje palot u štatnym režymie. Pra heta paviedamili RBK u pres-słužbie «Aerafłota».

Sihnał biedstva samalot padavaŭ dla testavańnia sistem, rastłumačyli ŭ avijakampanii. «Pavietranaje sudna vykonvaje palot u štatnym režymie. Pasadka zapłanavanaja pa raskładzie. Pa prośbie ŭpraŭleńnia pavietranaha ruchu pravodziłasia pravierka sihnału», — paviedamiŭ pradstaŭnik «Aerafłota» Maksim Fiacisaŭ. Jon adznačyŭ, što testavańnie rabiłasia pa prośbie biełaruskich dyśpietčaraŭ.

«Infarmacyja ab sihnale biedstva nie adpaviadaje rečaisnaści. Z bortam usio narmalna», — paćvierdzili ŭ pres-słužbie Dziaržaŭnaj karparacyi pa arhanizacyi pavietranaha ruchu Rasii.

Pra toje, što rejs «Aerafłota» Kalininhrad — Maskva padaŭ sihnał biedstva i rychtujecca da pasadki ŭ Šaramiećcieva raniej, paviedamiŭ tielehram-kanał Mash. «U niebie bort znachodziŭsia ŭžo 40 chvilin. Paśla sihnału Boinh 737 praciahnuŭ maršrut u Šaramiećcieva, ciapier rychtujecca da pasadki», — havaryłasia ŭ paviedamleńni.

Клас
0
Панылы сорам
0
Ха-ха
0
Ого
0
Сумна
0
Абуральна
0