Nastaŭnikam «zubroŭ» stanie 50-hadovy biełaruski śpiecyjalist Alaksandr Andryjeŭski, paviedamlaje aficyjny sajt kłuba.

Jašče hulcom sp. Andryjeŭski ŭ sumie pravioŭ za «Dynama» dzieviać siezonaŭ. Pahulaŭ u ZŠA, Finlandyi, Italii, Niamieččynie, Rasii. Forvard staŭ pieršym ajčynnym chakieistam u NCHŁ («Čykaha Błek Choŭks») i najlepšym chakieistam Biełarusi XX stahodździa pavodle apytańnia haziety «Priessboł». Doŭhija hady byŭ lidaram i kapitanam nacyjanalnaj zbornaj.

Alaksandr Andryjeŭski — sapraŭdny dynamaviec.

Pryčym trenierskuju pracu pačynaŭ u «Dynama»: u siezonie-2006/07 asistavaŭ Lubamiru Pokaviču i Eduardu Zankaŭcu. 

Na druhi hod isnavańnia KCHŁ pryniaŭ «zubroŭ» pa chodzie «rehularki», źmianiŭšy na mastku Hlena Chenłana. U dalejšym jon na praciahu piaci siezonaŭ uvachodziŭ u štab kamandy: dvojčy jaho ŭznačalvaŭ, a taksama dapamahaŭ Mareku Sikoru i Kary Chiejkila. Pad kiraŭnictvam Andryjeŭskaha dynamaŭcy zavajavali Kubak Špenhlera-2009.

Treniravaŭ uładzivastokski «Admirał», dvojčy vyvodziŭ «marakoŭ» u płej-of z 6-ha miesca Uschodniaj kanfierencyi. Pa chodzie ciapierašniaha siezona Alaksandr Leanidavič pryniaŭ «Sibir», jakaja da taho momantu pravaliła start. Biełarusu ŭdałosia vypravić situacyju. U dalejšym kamanda nabrała amal piaćdziesiat pracentaŭ ačkoŭ i da apošniaha zmahałasia za miesca ŭ płej-of.

Клас
0
Панылы сорам
0
Ха-ха
0
Ого
0
Сумна
0
Абуральна
0