Fota pres-słužby Lenovo

Fota pres-słužby Lenovo

Lenovo raspracavała pieršy ŭ śviecie noŭtbuk z hnutkim ekranam. Pra heta havorycca ŭ paviedamleńni pres-słužby kitajskaj kampanii.

Noŭtbuk ŭvojdzie ŭ liniejku pryład ThinkPad X1. U kampanii padkreślivajuć, što havorka idzie nie pra płanšet, a mienavita pra noŭtbuk, jaki vałodaje adpaviednymi mahutnaściu i mahčymaściami, piša RBK

Promarolik z novym noŭtbukam Lenovo apublikavała na svaim kanale ŭ YouTube.

Na im bačna, što pryładu ŭ formie zvyčajnaha płanšeta možna składać pa ekranie pad roznymi vuhłami. Pierahnuŭšy pasiaredzinie, jaho možna pastavić na stoł i vykarystoŭvać jak noŭtbuk: nižniaja pałova ekrana pieratvarajecca ŭ elektronnuju kłavijaturu.

Technałohija hnutkich pryład hruntujecca na ŭžyvańni OLED-dysplejaŭ, jakija ŭvodzić u abaračeńnie niekalki kampanij. Z 2013 hoda Samsung i LG raspracoŭvajuć smartfony z vyhnutymi ekranami. U studzieni 2019 hoda LG pradstaviła sieryjny televizar z hnutkim ekranam, što samastojna zhortvacca ŭ rułon, paviedamlaŭ The Verge. Pačać prodažy navinki paŭdniovakarejski vytvorca mieŭ namier hetaj viasnoj.

Клас
0
Панылы сорам
0
Ха-ха
0
Ого
0
Сумна
0
Абуральна
0