Kurapaty. Ilustracyjny zdymak

Kurapaty. Ilustracyjny zdymak

Na ŭskrajku Minska da 2021 pavinien źjavicca Nacyjanalny vystavačny centr. Jaho płošča składzie kala 30 tysiač kvadratnych mietraŭ. 

Pra heta stała viadoma pa vynikach narady ŭ Alaksandra Łukašenki.

Kiraŭnik krainy narakaŭ, što ŭ krainie niama miesca, dzie možna było b pravodzić bujnyja handlovyja i pramysłovyja vystavy.

U efiry BT budoŭlu ŭžo nazvali novym «nacyjanalnym prajektam». 

Pieršy vice-premjer Alaksandr Turčyn zajaviŭ, što Vystavačny centr źjavicca pobač z handlova-zabaŭlalnym centram «Ekspabieł» na poŭnačy Minska.

Paznačany na karcie ŭčastak — adzinaje svabodnaje miesca dla budoŭli. Astatnija abšary ziamli pa susiedstvie naležyć roznym jurydyčnym asobam.

Adnak hety ŭčastak niepasredna susiedničaje ź lesam u Kurapatach. «Daroha śmierci», jakaja prachodzić praz pole, najchutčej, stanie miažoj Vystavačnaha centra.

Prynamsi tak vyhladaŭ papiaredni prajekt, jaki byŭ časova adchileny.

Fijaletavy koler — achoŭnaja zona Kurapataŭ. Sprava ad jaje znachodzicca «Daroha śmierci». Na jaje miescy moža źjavicca aŭtamabilnaja daroha, a za joj paŭstanie Vystavačny centr.

Fijaletavy koler — achoŭnaja zona Kurapataŭ. Sprava ad jaje znachodzicca «Daroha śmierci». Na jaje miescy moža źjavicca aŭtamabilnaja daroha, a za joj paŭstanie Vystavačny centr.

***

«Darohaj śmierci» nazyvajuć były šlach na poli pamiž Kurapatami i «Ekspabiełam», pa jakim u 1930-ja hady ludziej vazili ŭ «čornych varankach» ź Minska va ŭročyšča na rasstreł. Trasa hetaha šlachu idzie ad MKADu da šašy «Zasłaŭje — Kałodziščy» amal paralelna linii ŭschodniaj miažy kurapackaha lesu.

***

Aktyvisty i daśledčyki adznačajuć «Darohu śmierci». Na hetym poli, mahčyma, i pabudujuć Vystavačny centr. Fota «Novaha času»

Aktyvisty i daśledčyki adznačajuć «Darohu śmierci». Na hetym poli, mahčyma, i pabudujuć Vystavačny centr. Fota «Novaha času»

Miesca mahčymaj pabudovy nie ŭvachodzić u achoŭnuju zonu, nie źjaŭlajecca terytoryjaj historyka-kulturnaj kaštoŭnaści.

Jano ličycca zonaj rehulavanaj zabudovy, pry vykanańni normaŭ budavać tam možna. 

Što dumajuć pra situacyju abaroncy Kurapataŭ? U kamientary «Našaj Nivie» palityk Pavieł Sieviaryniec skazaŭ, što «sprava kiepskaja, treba budzie stanavicca na abaronu». 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?