14 maja ŭ Tel-Avivie prajšoŭ pieršy paŭfinał Jeŭrabačańnia 2019. Biełaruskaja śpiavačka Ziena vyjšła ŭ finał konkursu.
Čytajcie taksama: Dziŭny adbor: na Jeŭrabačańnie ad Biełarusi znoŭ pajedzie prateže rasijskaha pradziusara Drobyša VIDEA
Siońnia, u ramkach pieršaha paŭfinału Jeŭrabačańnia, vystupili pradstaŭniki 17 krain: Biełaruś, Vienhryja, Kipr, Polšča, Sierbija, Słavienija, Finlandyja, Čarnahoryja, Čechija, Aŭstralija, Bielhija, Hrecyja, Hruzija, Isłandyja, Partuhalija, San-Maryna i Estonija. Francyja, Ispanija i Izrail prachodziać u finał aŭtamatyčna, ale taksama siońnia vystupali.
Pa vynikach pieršaha paŭfinału ŭ finał vyjšli Hrecyja, Biełaruś, Sierbija, Kipr, Estonija, Čechija, Aŭstralija, Isłandyja, San-Maryna i Słavienija.
Druhi paŭfinał adbudziecca ŭ čaćvier, 16 maja.
U finale, jaki adbudziecca 18 maja, da ŭdzielnikaŭ, jakija pieramohuć u paŭfinałach, dałučacca pradstaŭniki krain Vialikaj piaciorki — Francyi, Hiermanii, Italii, Ispanii i Vialikabrytanii, a taksama ŭdzielnik, jaki pradstaŭlaje krainu-pieramožcu letašniaha konkursu — Izrail.
Śpis krain i paradak vystupleńnia ŭ pieršym paŭfinale byŭ takim:
- Kipr: Tamta — Replay
- Čarnahoryja: D—moll — Heaven
- Finlandyja: Darude feat. Sebastian Rejman — Look Away
- Polšča: Tulija — Pali się
- Słavienija: Zała Kral i Hašpier Šantł — Sebi
- Čechija: Lake Malawi — Friend of a Friend
- Vienhryja: Jocy Papai — Az én apám
- Biełaruś: Ziena — Like It
- Sierbija: Nieviena Božavič — Kruna
- Bielhija: Elijot Vassamillet — Wake Up
- Hruzija: Ota Niemsadze — Sul tsin iare (სულ წინ იარე)
- Aŭstralija: Kiejt Miler-Chajdkie — Zero Gravity
- Isłandyja: Hatari — Hatrið mun sigra
- Estonija: Viktar Kron — Storm
- Partuhalija: Konan Asirys — Telemóveis
- Hrecyja: Kaciaryna Duska — Better Love
- San-Maryna: Sierchat — Say Na Na Na
Sioleta ŭ konkursie biare ŭdzieł 41 kraina. Bałharyja admoviłasia ad udziełu ŭ piesiennym konkursie u 2019 hodzie pa finansavych pryčynach, taksama, jak i Bośnija i Hiercahavina, jakaja apošni raz udzielničała ŭ Jeŭrabačańni ŭ 2016 hodzie.
Turcyja, jakaja apošni raz udzielničała ŭ piesiennym konkursie ŭ 2012 hodzie, abviaściła ab tym, što nie płanuje viartacca na konkurs. Akramia taho, u Jeŭrabačańni 2019 admoviłasia brać udzieł i Ukraina ŭ suviazi ź niežadańniem śpiavački MARUV, jakaja pieramahła va ŭkrainskim adbory, padpisvać kantrakt z hramadskaj telekampanijaj.
Čytajcie taksama: Chto źjaŭlajecca hałoŭnymi favarytami Jeŭrabačańnia-2019 i ci jość siarod ich biełaruska — razvažajem razam z ekśpiertami





