Deputaty ŭ pieršym čytańni pryniali źmieny ŭ kodeksy, jakija tyčacca pravavoha rehulavańnia ihralnaha biznesu ŭ Biełarusi, piša Tut.by

Kali źmieny ŭstupiać u siłu, u Biełarusi budzie pavialičany ŭzrostavy cenz dla naviedvańnia ihralnych ustanoŭ, u tym liku i virtualnych, i ŭdziełu ŭ azartnych hulniach — z 18 da 21 hoda.

Taksama źjaviacca novyja sastavy administracyjnych pravaparušeńniaŭ:

— vykarystańnie dla arhanizacyi i praviadzieńnia azartnych hulniaŭ abstalavańnia (naprykład, hulniavoha aŭtamata, hulniavoha stała), jaki nie znachodzicca na ŭliku ŭ śpiecyjalnaj kampjutarnaj kasavaj sistemy,

— rehistracyja ŭ śpiecyjalnaj sistemie niedakładnych źviestak ab sumie pryniatych hrašovych srodkaŭ, pieraviedzienych elektronnych hrošaj dla ŭdziełu ŭ azartnaj hulni, pryniatych staŭkach, vypłačanych vyjhryšaŭ,

— dopusk u ihralnyja ŭstanovy abo da ŭdziełu ŭ azartnych hulniach ludziej, źviestki ab jakich uklučany ŭ pieralik asob, abmiežavanych u naviedvańni ihralnych ustanoŭ i ŭdziele ŭ azartnych hulniach.

Źmieny ŭstupiać u siłu paśla taho, jak projduć druhoje čytańnie ŭ parłamiencie, buduć zaćvierdžany ŭ Saviecie respubliki i ich padpiša kiraŭnik krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0