Hramadskaja kulturnickaja kampanija «Budźma biełarusami!» i Dziaržaŭny muziej historyi biełaruskaj litaratury zaprašajuć na majstar-kłas pa valańni z voŭny ŭ miežach cykła majstar-kłasaŭ «Biełaruskija ramiostvy. Tradycyi i sučasnaść».
Dumajecie, valonki možna nasić tolki zimoj? A voś mastačka Natalla Cevan viedaje, jak dać valonkam žyćcio na kruhły hod — nasić ich jak stylovy aksiesuar: na sukiency ci šali ŭ jakaści broški, na sumcy ci z klučami jak birulku abo jak upryhožańnie dla vałasoŭ.
Kali vy lubicie cikavyja aksesuary i cenicie ciapło rečaŭ, zroblenych uručnuju, hety majstar-kłas jakraz dla vas.
Pa vynikach majstar-kłasa vy atrymajecie nie tolki pryhožy aksesuar, ale i karysny navyk, kab nadalej samastojna stvarać ekskluziŭnyja aksesuary dla siabie i ŭ padarunak.
A jašče my ŭpeŭnienyja, što vas urazić i sam praces, bo voŭna — nadzvyčaj miakki, ciopły, utulny materyjał, sam pa sabie napoŭnieny pazityvam, praca ź jakim spadabajecca nie tolki darosłym, ale i dzieciam (ad 6 hadoŭ).
Prychodźcie pa svaju paru valonak!
Nahadajem, u miežach cykła majstar-kłasaŭ «Biełaruskija ramiostvy. Tradycyi i sučasnaść» vas čakajuć majstar-kłasy pa:
— placieńni pajasoŭ na bierdziečkach,
— vycinancy,
— stvareńni malavanych dyvanoŭ,
— vyšyŭcy,
— majstar-kłasy pa kieramicy i inš.
Sačycie za abviestkami na sajtach budzma.by i bellitmuseum.by.
Dzie: Dziaržaŭny muziej historyi biełaruskaj litaratury (h. Minsk, vuł. M. Bahdanoviča, 13)
Kali: 22 maja (sierada), 18:00
Abaviazkovaja papiaredniaja rehistracyja na majstar-kłas!
Daviedki pa telefonie/viber +375 29 269 45 87
Padzieja na Facebook
