Pra zładziejski ŭčynak u padjeździe doma pa Vilenskaj u Maładziečnie paviedamiŭ sam paciarpieły. Mužčyna raspavioŭ, što jaho znajomy naŭmysna padpaliŭ ŭvachodnyja dźviery kvatery.
Uzharańnie ŭładalniku kvatery ŭdałosia adrazu patušyć. Ź dźviuch uvachodnych dźviarej paciarpieli draŭlanyja, usiaredzinie žylla. Materyjalny ŭron skłaŭ 200 rubloŭ.
Vyśvietlili asobu padazravanaha ŭ padpale. Im akazaŭsia 41-hadovy maładziečaniec, jaki pražyvaje na druhim paviersie hetaha doma.
Napiaredadni jon spuściŭsia da svajho 51-hadovaha znajomaha na pieršy pavierch, kab pahavaryć pra žyćcio — im padabajecca adna i taja ž žančyna.
Razmova nie adbyłasia — niaprošanamu hościu admovilisia adčynić dźviery. Pakryŭdžany jon syšoŭ, ale nieŭzabavie viarnuŭsia z bałončykam i zapalničkaj u rukach.
Mužčyna vyrašyŭ pakarać haspadara za taki pryjom. Samarobny «ahniamiot» z aerazolnaha bałončyka i zapalnički jon padnios da ŭvachodnych dźviarej — adbyłosia ŭzharańnie.
Haspadar kvatery svaimi siłami patušyŭ ahoń. Tym nie mienš, kvatera akazałasia zadymlenaj.
Paśla zdareńnia padpalščyk viarnuŭsia ŭ svaju kvateru. Pravaachoŭnikam dźviery nie adčyniaŭ, nibyta jaho niama doma.
Na momant zatrymańnia fihurant byŭ niećviarozy. Va ŭčynku pryznaŭsia.
Ciapier mužčynie pahražaje da dziesiaci hadoŭ pazbaŭleńnia voli.
