Śledčy kamitet paviedamlaje, što za minułyja sutki śledčymi, supracoŭnikami milicyi i ekśpiertami praviedzieny kałasalny abjom pracy, kab vyśvietlić usie abstaviny hibieli supracoŭnika DAI ŭ Mahiloŭskim rajonie.
Zhodna z papiarednim zaklučeńniem ekśpiertaŭ, śmierć milicyjaniera nastupiła ŭ vyniku ahniastrelnaha ranieńnia ŭ hałavu. Pry hetym śledčyja čakajuć zaklučeńnia sudova-miedycynskaj i inšych ekśpiertyz.
Śledčyja ciapier razhladajuć niekalki viersij zdareńnia, u tym liku praviarajecca viersija ab vykradańni milicyjaniera nieviadomymi asobami na aŭtamabili čornaha koleru, adnak, zychodziačy z atrymanych u chodzie rasśledavańnia źviestak, jana nie źjaŭlajecca pryjarytetnaj.
Pry hetym śledstvam atrymana infarmacyja, što kala 18-j hadziny 16 maja supracoŭnik milicyi znachodziŭsia kala čyhunačnaha pierajezdu ŭ rajonie vulic Vakzalnaj i Pieršamajskaj Mahilova nasuprać budynka Abłspažyŭsajuza, dzie sieŭ u niavyśvietleny aŭtamabil. Praź niekatory čas maładoha čałavieka znajšli pamierłym.
Paviedamlajecca, što pa spravie zatrymanych niama.
Čytajcie taksama: U Mahilovie nieviadomyja na rasijskich numarach vykrali i zabili 22-hadovaha inśpiektara DAI
