Fota: Martin Fjellanger, Eurovision Norway, EuroVisionary
Na pres-kanfierencyi pa vynikach konkursu «Jeŭrabačańnie-2019» pieramožca Dunkan Łoŭrens, jaki pradstaŭlaŭ Niderłandy, raspavioŭ pra pryčyny pieramohi ŭ konkursie, piša TASS.
«Ja dumaju, sakret u tym, kab nie mieć sakretaŭ, być adkrytym, być saboj i zajmacca muzykaj», — pryznaŭsia Łoŭrens. Jon padkreśliŭ, što nie viedaje, čamu hledačy Jeŭrabačańnia aktyŭna hałasavali za jaho. Jon vykazaŭ nadzieju, što ich natchnili jaho muzyka, vieršy i historyja pieśni.
Napiaredadni, 18 maja padčas pres-kanfierencyi, Łoŭrens zajaviŭ pra svaju biseksualnaść, piša Lenta.ru.
«Ja bolš čym prosta artyst — ja čałaviek, ja žyvaja istota, ja biseksuał, ja muzykant, ja adstojvaju heta. I ja hanarusia tym, što ŭ mianie jość mahčymaść pakazać, chto ja nasamreč», — raspavioŭ jon.
Finał konkursu, u jakim ŭdzielničali 26 krain, prajšoŭ u Tel-Avivie 18 maja 2019 hoda. Pradstaŭnica Biełarusi Zena (Zinaida Kupryjanovič) zaniała 25-je miesca.