Kiraŭnik Dziaržkamvajenprama Raman Hałoŭčanka i pradstaŭnik delehacyi Anhoły. Fota: vpk.gov.by
Kala 30 źniešnieekanamičnych damovaŭ u śfiery ŭzbrajeńnia i vajenna-techničnaj majomaści na sumu kala $200 miljonaŭ padpisana na IX Mižnarodnaj vystavie MILEX 2019, jakaja zaviaršyłasia 18 maja ŭ Minsku. Pra heta paviedamili ŭ Dziaržaŭnym vajenna-pramysłovym kamitecie.
Vystava pierasiahnuła papiarednija pa kolkaści ekspanientaŭ i liku zamiežnych delehacyj. Ahulnaja płošča skłała kala 20 tysiač kvadratnych mietraŭ, na jakich raźmiaściłasia bolš za 4 tysiačy ekspanataŭ.
Samyja maštabnyja ekspazicyi razharnuli Biełaruś (kala 100 ekspanientaŭ), Rasija, jakuju pradstaŭlali bolš za 40 viadučych abaronnych navukovych i vytvorčych pradpryjemstvaŭ i kampanij, Kazachstan (7 abaronnych kampanij) i Kitaj (3 kampanii)».
Vystavu naviedali 59 aficyjnych delehacyj z 35 dziaržaŭ śvietu. Pry hetym delehacyi Bachrejna, Bałharyi, Zambii, Zimbabve, Łaosa, Čechii i Erytrei naviedali vystavu ŭpieršyniu.
Admietnaj asablivaściu MILEX-2019 stała cikavaść zamiežnych delehacyj da raspracovak, zasnavanych na IT-technałohijach i prahramnym zabieśpiačeńni. Robatatechnika pavietranaha i naziemnaha baziravańnia, srodki procidziejańnia małapamiernym pavietranym celam, sistemy ahniavoha paražeńnia, strałkovaja zbroja, srodki kompleksnaha supraćdziejańnia vysokadakładnaj zbroi, a taksama mahčymaści biełaruskich pradpryjemstvaŭ pa praviadzieńni ramontu i madernizacyi avijacyjnaj i braniatankavaj techniki, srodkaŭ supraćpavietranaj abarony.
Na hetym fonie toj fakt, što kožny hod na ŭzbrajeńnie ŭ Biełarusi prymajecca kala 10 novych uzoraŭ ŭzbrajeńnia i vajskovaj techniki, źjaŭlajecca pakazčykam ŭzroŭnia raźvićcia navuki i technałohij u arhanizacyjach VPK.
Vystava spryjała ŭmacavańniu mižnarodnaha aŭtarytetu krainy jak vytvorcy i pastaŭščyka pradukcyi vajskovaha pryznačeńnia.
Na placoŭcy kala «Minsk-Areny» źjavilisia najlepšyja ŭzory vajskovaj techniki FOTY
Upieršyniu pakazany biełaruski zienitny kompleks «Buk-MB3K» FOTA
Jak vyhladaje madernovaja milicejskaja mašyna dla razhonu demanstracyj FOTA
