30 fiestyval muzyki maładoj Biełarusi «BASovišča» budzie apošnim, jaki zarhanizuje Biełaruskaje abjadnańnie studentaŭ. Členy BAS paśla mnohich abmierkavańniaŭ ź siabrami fiestyvalu vyrašyli, što ŭ 2019-m arhanizujuć «BASovišča» ŭ apošni raz.

Padstavaj dla hetaha stała składanaja finansavaja situacyja, jakaja nie daje mahčymaści pravieści mierapryjemstva na vysokim uzroŭni.

«Heta było nialohkaje rašeńnie, — kaža Lidzija Piakarskaja, člen Hałoŭnaj upravy BAS. — Ale treba mieć advahu i pryznacca samim sabie, što tak budzie najlepš».

Členy abjadnańnia sardečna dziakujuć usim za padtrymku na praciahu tryccaci hadoŭ. A taksama ŭsim papiarednim basaŭcam, vystupoŭcam, žury konkursu maładych hurtoŭ, jakoje dapamahała znachodzić zorak biełaruskaj sceny. Dziakujem usim tym, chto pryjazdžaŭ na «BASovišča» i radavaŭsia jadnańniu palakaŭ i biełarusaŭ.

Sioletni fiestyval budzie apošnim, jaki arhanizuje BAS. «Čakajem adnak, što pryniasie budučynia», — dadaje Lidzija Piakarskaja.

Na padtrymku fiestyvalu abvieščany zbor srodkaŭ. Płanujecca sabrać 15 tysiač złotych (kala 8 tysiač rubloŭ), i 11 tysiač užo jość. Achviaravać na «BASovišča» moža kožny. 

Zaprašajem: 19—20 lipienia 2019, Haradok, uročyšča Boryk! Siarod sioletnich chedłajnieraŭ Volski, Krama, Dzieciuki, NaviBand, Re1ikt, Znich… Poŭny łajnap budzie ahučany nieŭzabavie.

Dałučycca da «BASovišča» možna ŭžo ŭ hetu piatnicu, 24 traŭnia! U minskim kłubie «Bierlin» (Tučynski zavułak, 2A) adbudziecca apošniaje «Adboryšča» — adboračny tur maładych muzykantaŭ, najlepšyja ź jakich pajeduć u konkursnuju častku. Udzieł voźmuć 8 kalektyvaŭ: luty sakavik, anty-kavierbend «Haradski Vał», BarRokka, Harmonix College, Skroź, Paulinn, Atesta, Fishtank, a taksama letašni pieramožca — Snop Snoū. Uvachod volny. Da sustrečy!

Клас
0
Панылы сорам
0
Ха-ха
0
Ого
0
Сумна
0
Абуральна
0