U Maładziečanskim rajonie elektravoz źbiŭ naśmierć 11-hadovaha chłopčyka. Trahiedyja adbyłasia 22 maja kala 8.15 na čyhunačnaj stancyi Uša, paviedamlaje milicyja.
Piacikłaśnik, žychar vioski Kančany, nakiroŭvaŭsia na zaniatki ŭ Kraśnienskuju siaredniuju škołu. Čyhunačnyja puci jon pierachodziŭ va ŭstanoŭlenym miescy pa piešachodnym naścile za 100-150 m ad stancyi.
Chłopčyk prapuściŭ pasažyrski ciahnik, jaki ruchaŭsia ŭ napramku Maładziečna, ale nie zaŭvažyŭ elektravoza, jaki ruchaŭsia nasustrač. Mašynist ekstrana zatarmaziŭ, ale heta nie dapamahło — spynić elektravoz nie ŭdałosia. Pravodzicca pravierka.
