Siońnia ŭ Mahilovie supracoŭniki MUS zatrymali 48-hadovaha cyhanskaha barona pa mianušcy Romka ź mikrarajona Čapajeŭka abłasnoha centra. Mužčynu padazrajuć u zbycie narkotykaŭ i nievykanańni rašeńnia suda ab pazbaŭleńni prava kiravańnia transpartnymi srodkami. Śpiecapieracyja prachodziła pry padtrymcy supracoŭnikaŭ DAI i AMAP.
Pastupili źviestki ab tym, što padazravany datyčny da sistematyčnaha zbytu mietadonu, inšych narkatyčnych srodkaŭ i psichatropnych rečyvaŭ. A siońnia stała viadoma, što dyler paśpieŭ pradać narkotyki niekalkim ludziam i maje namier ažyćciavić jašče adnu anałahičnuju ździełku.
Pierad niepasrednym zatrymańniem na aŭtadarozie złamyśnik paśpieŭ prahłynuć pakiecik, jak miarkujecca, z narkotykam. Razam z tym pry ahladzie aŭtamabila apieratyŭniki znajšli nievialikuju jomistaść z vadkaściu, jakuju nakiravali na ekśpiertyzu.
Raspačali kryminalnyja spravy pa č.3 art. 328 (niezakonny abarot narkatyčnych srodkaŭ, psichatropnych rečyva i ich prekursoraŭ), pa jakich baron pryznany padazravanym.
Viadoma, što fihurant nieadnarazova sudzimy za pahrozu zabojstvam, pryčynieńniem ciažkich cialesnych paškodžańniaŭ abo źniščeńniem majomaści, aktyŭna padtrymlivaje inšych pradstaŭnikoŭ kryminalnaha śvietu.
