Staršynia Nacyjanalnaha banka Polščy prafiesar Adam Hlapiński zajaviŭ, što da taho času, pakul jon budzie ŭznačalvać NBP, Polšča nie piarojdzie na jeŭra, piša radiopolsha.pl

«Heta nielha abhruntavać ni palityčnymi, ni ekanamičnymi mierkavańniami. I zamiest umacavańnia pazicyj Polščy pryviało b da ich pasłableńnia. Zaraz mnohija krainy ŭ zonie jeŭra zachaplajucca vynikami pracy našaj ekanomiki. A taksama zajzdrościać tamu, što ŭ nas, u adroźnieńnie ad ich, jość bolšaje pole dla manieŭraŭ u makraekanamičnaj palitycy».

Prafiesar Adam Hlapiński padkreśliŭ, što admova ad mahčymaści praviadzieńnia niezaležnaj hrašova-kredytnaj palityki naniesła b škodu ekanomicy Polščy.

Kiraŭnik NBP dadaŭ, što ŭviadzieńnie jeŭra niavyhadna nie tolki dla bolš biednych krain na poŭdni Jeŭropy, ale i dla bahatych ekanomik. Jon taksama padkreśliŭ, što pryniaćcie jeŭra niemahčyma bieź źmieny kanstytucyi Polščy.

Клас
0
Панылы сорам
0
Ха-ха
0
Ого
0
Сумна
0
Абуральна
0