Sieryjał «Słuha naroda», u jakim novy prezident Ukrainy Uładzimir Zialenski syhraŭ hałoŭnuju rolu, staŭ niedastupny na YouTube u Biełarusi. Z čym źviazana błakavańnie ŭ našaj krainie — nieviadoma. Adnak rasijskaje vydańnie «Viedomosti» paviedamlaje, što ŭ Rasii sieryjał taksama zabłakavali na YouTube. Heta źviazana z tym, što pravy na pakaz karciny ŭ internecie ŭ Rasii vykupiŭ «Jandeks».
Pieršy siezon kamiedyi «Słuha naroda» vyjšaŭ na ŭkrainskim telekanale «1+1» u listapadzie 2015 hoda. Pa siužecie, hałoŭny hieroj — prosty nastaŭnik historyi, jakoha syhraŭ Zialenski, stanovicca prezidentam Ukrainy. Zaniaŭšy hety post, jon pačaŭ pravodzić maštabnyja reformy i zaniaŭsia baraćboj z karupcyjaj, ale sustreŭ supraciŭ aliharchaŭ i čynoŭnikaŭ.
Udakładnieńnie: Sieryjał zabłakavany nie tolki ŭ Rasii i Biełarusi, ale i ŭ niekatorych inšych krainach (naprykład, Vialikabrytanii i Niderłandach). A voś va Ukrainie «Słuhu naroda» možna, jak i raniej, pahladzieć na jutubie.