Nakład knihi «Sabaki Eŭropy» pa-biełarusku byŭ raspradadzieny ŭ rekordna karotkija terminy, niahledziačy na vysokuju canu vydańnia.
Akramia niekalkich piśmieńnickich premij, Alhierd Bacharevič atrymaŭ za «Sabak Eŭropy» adnu niezvyčajnuju ŭznaharodu — śpiecyjalna dla jaho zasnavanuju čytackuju premiju, jakuju ŭdziačnyja prychilniki ŭručyli jamu za toje, što jon «uźniaŭ sučasnuju biełaruskuju litaraturu na zusim novy ŭzrovień». Hety ŭzrovień zaviedama maje na ŭvazie nadnacyjanalnaść, ruch pa-nad moŭnymi barjerami.
Kniha spałučaje ŭ sabie šeść historyj — tut ustupajuć u dziŭnyja ałchimičnyja reakcyi harady i movy, ludzi i siužety, vieršy i traŭmy, abryŭki cytat i vydumanych uspaminaŭ. «Sabaki Eŭropy» Alhierda Bachareviča — raman ab čałaviečaj i nacyjanalnaj adzinocie, ab iluzijach — pra dziaržavu, jakoj nie treba minułaje i jakaja ŭpeŭnienaja, što ŭ jaje siłach admianić budučyniu, pra dyktaturu słova, uskrainu impieryi i jaje jeŭrapiejskuju tuhu.
Ruskaja viersija ramana «Sobaki Jevropy» ŭvajšła ŭ łonh-list premii «Vialikaja kniha», a 5 červienia budzie abvieščany šort-list hetaj premii.
Prezientacyja i aŭtohraf-siesija projdzie ŭ kniharni «Akademičnaja kniha» 6 červienia ŭ 18.00 pa adrasie pr. Niezaležnaści, 72.
Nabyć hetyja dy inšyja novyja vydańni i biestsielery, možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
