Prezident Rasii Uładzimir Pucin prapanavaŭ Vialikabrytanii zabyć pra špijonski skandał, ale ŭ Łondanie nastojvajuć na kardynalnaj źmienie Maskvoj svaich pavodzin, piša Reuters.
Vystupajučy na sustrečy z kiraŭnikami mižnarodnych infarmahienctvaŭ, Pucin vykazaŭ zdahadku, što nastupny premjer-ministr Brytanii zabudzie pra atručvańnie byłoha supracoŭnika HRU Siarhieja Skrypala ŭ Sołśbiery.
«Treba ŭ rešcie rešt pieraharnuć hetuju staronku, źviazanuju sa špijonami, z zamachami», — zajaviŭ Pucin.
«Jon vaš ahient, a nie naš, značyć heta vy suprać nas špijonili. Što tam ź im dalej adbyvałasia, mnie ciažka skazać, ale treba heta ŭsio zabyć u rešcie rešt», — praciahnuŭ Pucin.
U ofisie premjer-ministra Brytanii Terezy Mej adkazali, što adnosiny pamiž Vialikabrytanijaj i Rasijaj mohuć palepšycca tolki tady, kali Maskva źmienić svaje ahresiŭnyja i destabilizujučyja pavodziny.
